| Verið öll velkomin á heimasíðuna okkar!! |
| Við erum fjórar yndislegar systur |
|
|
Um okkur:
Birta Marín kom í heiminn á Landspítalanum þann 1. Apríl 1999, en þann dag hafði hún vandlega valið til að hrekkja mömmu sína svona til að byrja með. Svo skemmtilega vildi til að þetta var rétt fyrir páska og flestir úti á landi svo við fjölskyldan fengum eiginlega alveg frið svona fyrstu dagana (svo hrekkurinn varð að góðverki!).
En allavega, þá var hún stór og sterk stelpa, 17 merkur og 52 cm með dökkbrúnan hárlubba, blá augu og engar augabrúnir. Nanna Lilja fæddist þann 12. Febrúar 2006. Við vorum búin að bíða soldið eftir henni því að hún þóttist ætla koma í heiminn fyrir jól en læknirinn stoppaði hana og þá hefur hún móðgast og kom ss ekki fyrr en 3 dögum eftir settan dag. Hún var ekki nema 3735gr og 51 cm sem er frekar smátt miðað við önnur börn í fjölskyldunni... en hún er annars fullkomin:) Lovísa Sóley kom í heiminn þann 10.mars 2009, 17 dögum fyrir tímann eða eftir 37vikur og 4 daga. Pabbi og mamma voru því ekkert að trúa því að daman væri á leiðinni í heiminn og þurfti ljósmóðirin að sannfæra þau um að þetta væri virkilega að gerast. Eftir 5 tíma hríðir fæddist litla gellan, 3505 gr og 50 cm, stór og flott eftir þetta stuttan meðgöngutíma. Aníta Kristín fæddist þann 20.júlí 2010, eftir 37 vikur og 1 dag. Fæðingin gekk vel og fæddist hún nákvæmlega jafn þung og löng og Lovísa eða 3605 gr og 50 cm. |
|
|
Annað:
Frænku og frændatetur
Hrúturinn 21. mars - 19. apríl Rambó leikfélaganna er mættur á svæðið. Með barn í hrútsmerkinu mega foreldrar búast við miklu fjöri á heimilinu því það ríkir engin lognmolla í kringum hrútinn. Ekki ætlast til þess að barnið sitji kyrrt með hringlu. Þetta er barnið sem veifar þér ofan af hæsta tré, alls óhrætt við að taka áhættu. Hrútsbarnið er allt annað en hljóðlátt og lætur oft vel í sér heyra. Sem eldsmerki er hrúturinn orkumikill og hefur ávallt eitthvað fyrir stafni. Verður erfitt að ráða við litla hrúta? Það er líklegra en ekki. Foreldrar ættu eins fljótt og hægt er að kenna þessu barni að vinna með öðrum börnum. Að deila einhverju með öðrum er eitthvað sem kemur ekki af sjálfu sér - það þarf að kenna litlum hrútum. Þeir eru einnig ákaflega tapsárir. Þeir þrá athygli og eiga mjög auðvelt með að verða sér úti um hana með ýmsum aðferðum. Hrútar eru fæddir leiðtogar og ef þú ætlar að hafa eitthvað að segja er betra að láta þá vita með afgerandi hætti hver er við stjórnvölinn því annars er eins líklegt að stjórnin verði tekin úr þínum höndum. Lítill hrútur er oft eins og ótemja, lítið gefinn fyrir að hlýða reglum og vera þægur nema þegar honum hentar. Vegna þess hve hann er orkumikill er nauðsynlegt að hann fái mikla hreyfingu. Hann verður að fá að hlaupa um og róta til heima hjá sér. Ef hann fær ekki útrás fyrir orkuna verður hann pirraður og ergilegur. Honum líður best í lifandi og fjörugu umhverfi. Þar sem fljótfærni og óþolinmæði eru meðal veikleika hans þarf að kenna honum að hægja á sér og telja upp að tíu áður en hann rýkur af stað. Einnig þarf að venja hann á að ljúka því sem hann byrjar á. Vatnsberinn 20. janúar - 18. febrúar Vatnsberabarnið fer fljótt sínar eigin leiðir hvort sem það er í fataburði, hugsun eða hegðun. Það er uppfinningasamt, frumlegt og fullorðinslegt og lærir snemma að tjá sig og skila heim fullorðinna. Litli vatnsberinn vill sjá um sig sjálfur og fara sínu fram og er oft á tíðum mjög dramatískur. Ef honum leiðist gæti hann átt það til að stofna til vandræða bara til að fá spennu og drama inn í líf sitt. Besta uppeldisaðferðin er fólgin í umræðu og skynsamlegum fortölum. Vatnsberinn er þrjóskur og lítið þýðir að skipa honum fyrir eða beygja hann til hlýðni með skömmum. Best er að koma fram við barnið sem vitsmunalegan jafningja því vatnsberinn er hugarorkumerki og því skipa umræður og skynsamlegar fortölur fyrsta sæti. Vatnsberabörnin geta sýnt ást og væntumþykju á frekar ópersónulegan hátt. Þau eru yfirleitt vingjarnleg og yfirveguð en ekki mjög tilfinningasöm og oft illa við mikið kjass. |